Sagan mín

Ég heiti Tinna, Arnardóttir og er ég  er orkubolti með óbilandi áhuga á öllu sem við kemur heilsu.  Frá því 2007 hef ég unnið við einkaþjálfun, hóptímakennslu og heilsuráðgjöf ásamt því að vera vinna  við  bókhald.  Á árinu 2018 lenti ég í alvarlegu slysi á hné  sem hafði þær afleiðingar að stoðkerfið hrundi ásamt því að ég þurfti að eiga við króníska taugaverki. Við tók löng endurhæfing þar sem ég fór að leita mér leiða til að vinna með verki og minnka þá. Eftir að hafa prófað yinyoga fann ég að þarna var eitthvað sem var að virka. Ég fór því í kennaranám í Yin Yoga og þaðan til Bretlands í nuddnám og nám í Myofascial release (MFR) sem mætti útleggjast á íslensku sem bandvefslosun. Eftir að hafa gert ýmsar tilraunir á sjálfri mér hvernig best væri að losa um spennu og verki varð til æfingakerfi með því besta úr Yinyoga, Pilates, MFR og nuddnáminu sem stuðlar að því styrkja djúpvöðva kviðsins og mjaðmir,  auka liðleika, losa um spennu í bandvefnum, minnka verki og róa hugann.  Árið 2020 lenti ég í háorkuárekstri og hjálpaði þetta æfingakerfi mér að lágmarka þá verki í stoðkerfinu sem ég hlaut í kjölfarið. Markmið mitt er að kenna þá þekkingu og aðferðir sem ég hef þróað til að meðhöndla verki í stoðkerfinu, hvort sem það eru áverkar eftir slys, vefjagigt, slitgit eða streitu. Með því að fá verkfæri  í kistuna sem geta stuðlað að bættri líðan þá  aukum við lífsgæði  okkar og hamingju. Ég býð upp á lokuð námskeið sem vinna  út frá þessu æfingakerfi. Námskeiðin eru bæði fyrir byrjendur og lengra komna. Námskeiðin eru ekki eingöngu fyrir verkjapésa eins og mig heldur alla þá sem vilja losa um spennu, ná meiri liðleika og almennri betri líðan.