Tónheilun/Hljóðbað eru tímar  þar sem unnið er með tóna og tíðni til að kalla fram djúpslökun í líkamanum. Tónheilun hjálpar til við að hægja á hjartslætti, slaka á vöðvum og draga úr streitu ásamt því að núllstilla taugakerfið.  Tónheilun  getur einnig hjálpað til við að koma jafnvægi á orkustöðvar líkamans. 

Tónheilun/Hljóðbað getur hjálpað til við að róa taugakerfið.  Ákveðnir tónar og taktar geta virkjað parasympatíska taugakerfið, eða „hvíldar-og-meltingar“ stillingu líkamans. Tónheilun hefur verið tengd við lægra magn kortisóls (lykilstreituhormón) og bætta hjartsláttartíðni (sem er vísir um hversu vel líkaminn jafnar sig eftir streitu).

Tónheilun/Hljóðbað virðist vera nýtt hugtak þó er iðkunin að lækna/heila líkama með hljóði tæknilega séð þúsundir ára gömul og á djúpar rætur að rekja til menningarheima um allan heim. 

Fólk upplifir Tónheilun/Hljóðbað á mismunandi máta. Sumir finna fyrir mikilli slökun og öryggi, aðrir tala um að það hafi allt hreinsast upp í höfðinu eins og í Tetrisspili og enn aðrir sjá liti.  Algengt getur verið að tilfinningar komi upp sem líkaminn þarf að losa út, getur það brotist út með grát eða eins og spennu á ákveðnu svæði þar sem mein er. Hver og ein upplifun er sérstök og fer eftir ásetningi ferðalagsins hverju sinni.